[YG Conlang Archives] > [jboske group] > messages [Date Index] [Thread Index] >
ni'o mi joi la xod. puza casnu di'e fo la .irycys. .i la xod. jinvi
to ko dranygau doi xod. toi ledu'u le sidbo pe zo mu'ei cu xlali
nalsmu .i si'a mi pujetai jinvi ri'a leza'i na mulno jimpe .i la
xod. stidi lenu casnu fo le selmri .i ru'aba'a ki'u leza'i le glico
cmene be le sidbo cu mutce xlali kei la xod. na nelci ca .i semu'ibo
mi ca troci co ciksi
ni'o le munje sidbo cu cmacykai smuni po'o .i le sidbo cu srana
ledu'u makau jetnu ke lojbo se xusra kujoi ledu'u makau jitfa ke
lojbo se xusra kujoi ledu'u makau zasti .e no drata .i sa'e na srana
lesi'o xadni munje .i pe'i tu'e
na stidi ledu'u lo xadni munje cu zasti
.i sidbo tutci lenu pensi po'o loi cumki tu'u
ni'o la xod. pu cusku lesedu'u la'e zo cumki cu nalsmu .iku'i pe'i
lesi'o cumki poi srana le munje sidbo cu cmacykai smuni .i srana
le kelsi befi leka munje gi'e jai se djica tu'a le ciste poi se
pilno no'u la'o zo. accessable worlds .zo.
ni'o ru'a mi na xamgu fi leka ciksi .iku'i .a'o.ai casnu fo le
selmri tezu'e lenu la xod. te lijda zo'o binxo
ni'o doi xod. xu do djica lenu zmadu ciksi .i pe'i le na'e te tugni
poi do pu tavla fi ke'a cu na srana .i pe'ipei
--
Jordan DeLong - fracture@hidden.email
lu zo'o loi censa bakni cu terzba le zaltapla poi xagrai li'u
sei la mark. tuen. cusku
Attachment:
binO849iMtobO.bin
Description: application/ygp-stripped