[YG Conlang Archives] > [jbosnu group] > messages [Date Index] [Thread Index] >
la nitcion cusku di'e
.i lenu toljundi loi steci be lo bangu lenu cupra loi larcu cu fapro leka larcu stace
i mi na birti le du'u xukau mi do tugni i ma mupli lo'e nu toljundi lo bangu steci to u'i ba'a lo me la maikl moi zo'u steci jo stace toi
.i lenu rivbi loi bangu jimte mu'i lenu larcu zifre cu cupra loi larcu poi na'e se stura
i pe'i dukse le ka clira kei fa le nu satci djuno le du'u makau jimte le lojbo bangu i za'oku lo'e ni ma'a srera lo'e nu pilno cu zmadu lo'e ni ma'a snada
.i leka sisku loi cnino se lifri cu ckaji loi cfari be lo larcu tcaci
i u'isai ko tolcri le su'oci toldrani pe di'u
.i leka pranygau lei selsku tadji pe lei cfari cu ckaji lei banli be lo larcu tcaci .i ledu'u lo cnino selsku cu vajmau lo prane selsku na sarcu
i na sarcu ma i ja'aru'e cumki fa le nu finti bau la lojban secau le nu finti loi cnino selsku i le ma'a bangu ca'o cifnu lo'e bangu
.i lenu fapro le nuntoi be lenu skicu le munje sepi'o loi logji po'onai cu natfe leka cinri be le nuntoi noi steci la lojban
i pe'i ro bangu cu ciste lo logji i le lojbo logji cu cinri ki'u le nu ly satci fi loi nalkampu be lo'e bangu
.i loi logji na snada lenu skicu le munje .i loi rarbau na ji'a go'i
i za'a le medomoi cu tinsa manri le du'u makau skicu snada i lei rarbau va'o le nu na snada cu melbi fliba
.i loi logji cu sidju lenu skicu le munje fo lo drata be le'e rarbau velski .iseni'ibo ge citno nundarsi gi lanli nundarsi
i le nu darsi cu xamgu
.i romai lo fuzme larcypra cu pilno le bangu be le vo'a cecmu mu'i lenu le se cupra cu se jimpe le vo'a cecmu
i lo'e banli larcypra cu fuzme le larcu zi'o i le nu le cecmu cu zanru cu funca
.i leka na se cinri lejei se jimpe cu melbi su'o prenu be le ca cedra .i ku'i lo larcu se cupra poi se jimpe noda cu ja'a melbi noda
i do do toltugni i pau melbi noda ji su'o prenu pe le ca cedra
.i ro lemi se cusku cu steci le nunjimpe be loi larcu be'o pe la apolon. .enai la di,Onisos. .i lenu mi se tugni na se denpa mi
i la'a le re se jinvi cu pagbu drani i ro traji cu xlali i lo'e nu lanxe cu xamgu i oise'i mu'o mi'e xorxes _________________________________________________________________ Get your FREE download of MSN Explorer at http://explorer.msn.com/intl.asp