[YG Conlang Archives] > [jbosnu group] > messages [Date Index] [Thread Index] >
.i lenu toljundi loi steci be lo bangu lenu cupra loi larcu cu fapro leka larcu stace .i lenu rivbi loi bangu jimte mu'i lenu larcu zifre cu cupra loi larcu poi na'e se stura .i leka sisku loi cnino se lifri cu ckaji loi cfari be lo larcu tcaci .i leka pranygau lei selsku tadji pe lei cfari cu ckaji lei banli be lo larcu tcaci .i ledu'u lo cnino selsku cu vajmau lo prane selsku na sarcu .i lenu fapro le nuntoi be lenu skicu le munje sepi'o loi logji po'onai cu natfe leka cinri be le nuntoi noi steci la lojban .i loi logji na snada lenu skicu le munje .i loi rarbau na ji'a go'i .i loi logji cu sidju lenu skicu le munje fo lo drata be le'e rarbau velski .iseni'ibo ge citno nundarsi gi lanli nundarsi .i romai lo fuzme larcypra cu pilno le bangu be le vo'a cecmu mu'i lenu le se cupra cu se jimpe le vo'a cecmu .i leka na se cinri lejei se jimpe cu melbi su'o prenu be le ca cedra .i ku'i lo larcu se cupra poi se jimpe noda cu ja'a melbi noda .i ro lemi se cusku cu steci le nunjimpe be loi larcu be'o pe la apolon. .enai la di,Onisos. .i lenu mi se tugni na se denpa mi Nick Nicholas, TLG, UCI, USA. nicholas@hidden.email www.opoudjis.net "Most Byzantine historians felt they knew enough to use the optatives correctly; some of them were right." --- Harry Turtledove.