[YG Conlang Archives] > [jbosnu group] > messages [Date Index] [Thread Index] >
la adam cusku di'e
i va'o le nu na ka'e bandu le se zifre kei le se zifre cu se vamji ma
i do sruma le du'u le nu ponse lo xacyce'a cu sidju le ponse le nu bandu le se zifre i pe'i na xamgu tadji
i mu'a le turni cu zifygau do le nu cusku enai le nu bandu le nu zifre le nu cusku
i li'a mi zifre le nu bandu le nu zifre le nu cusku i mi na nitcu lo'e xacyce'a la'e di'u
i va'o le nu le turni cu ba jdice le du'u do e'anai cusku ro da poi do djica le nu cusku ke'a kei le nu da'i do zifre cu se vamji ma
i ei le turni cu se cuxna le cecmu i a'o mi ba ca'o cmima lo cecmu poi te vamji le cusku se zifre
i ro se flalu cu se pulji lo te xarci
i drani i le cecmu cu terxacygau le pulji tezu'e le nu le pulji cu seltibgau lei flalu poi le cecmu cu tu'irsi'u
i ca le nu do na ponse le xarci kei le nu do zifre makau cu lacri le cunso se djica be le turni
i le nu ponse lo xacyce'a na sidju do le nu fapro le turni i xu do ji'a djica le nu ponse lo xacmarce i do ka'e pilno lo xacyce'a le nu fapro so'u prenu enai lo jenmi
> i so'i prenu na nitcu lo'e xacyce'a le nu sezbandu i va'o ru'a le nu na nitcu lo xacyce'a cu einai ponse xy i ku'i la'e di'u na krinu le nu lebna lei xacyce'a ro drata
i le nu lo drata cu bevri lo xacyce'a cu ckape mi iju mi bevri xy
> i ie li'a le nu sezbandu cu go'i i ku'i le nu ganzu lo cecmu cu > sarcu le nu flalu i mu'a lo remna ka'e sezbandu ta'i le nu cmima > lo cecmu poi jdice le du'u no cmima cu bevri lo xacyce'a i to sarcu je'i se sarcu i le nu flalu cu jalge xu toi
i drani i se sarcu le nu flalu
i no da stidi le nu fanta le nu da gasnu le se stidi be do i la'acu'i xamgu sidbo i ku'i na krinu le nu lebna lei xacyce'a ro da
i mi pensi le cecmu be piro le se gugde mu'o mi'e xorxes _________________________________________________________________________ Get Your Private, Free E-mail from MSN Hotmail at http://www.hotmail.com.