[YG Conlang Archives] > [jbosnu group] > messages [Date Index] [Thread Index] >
la adam di'e cusku
> i mi roda dunli le ka tolnelci le turni i ku'i mi na djica le nu > le prenu poi sidju lamji mi ne'i le trene cuju'ocu'i bevri lo cecla > i pe'i su'o cecla flalu cu sarcu lo saxysi'u cecmu i to xu do skudji zo zutse toi
i drani i cizra se srera
i ue ma krinu i xu xrani do fa le nu bevri lo cecla
i go'i i rinka le nu mi xanka
i va'o le nu do na gunta le lamji kei do cu einai se raktu
ibo da'i le lamji cu racli i lo'e remna na roroi racli
i le gasnu be lo zekri cu bevri le xacyce'a iju la'e di'u se flalu
i ku'i na tai frili va'o le nu fapro le flalu
i ro flalu be lo srana be lo'e xacyce'a cu se jalge le nu le tinbe po'o cu xacyce'a claxu
i ji'a go'i le nu lo nu pilno lo xacyce'a cu sarcu lo nu xekri platu
i ta'o pe'i no te sitna cu ve jinvi i ku'i la'e di'e cinri i la rabrt xainlain cusku lu lo'e te xarci cecmu cu clite cecmu li'u
i xu do se slabu lo te xarci cecmu poi clite cecmu i ma mupli
i pe'i ty skudji le se du'u pacna le du'u le turni cu sfasa le prenu le zekri vlile poi je'a se gasnu sepi'o le xacyce'a ku'o enai le nu ponse le xacyce'a ku'o noi xrani no da
i pe'i le nu so'i prenu cu ponse lo xacyce'a cu zengau le nu lo tolvai nundarlu cu binxo lo betri kei le ka lakne i pe'i le nu ponse lo xacyce'a na zengau le ponse le ka snura mu'o mi'e xorxes _________________________________________________________________________ Get Your Private, Free E-mail from MSN Hotmail at http://www.hotmail.com.