[YG Conlang Archives] > [jbosnu group] > messages [Date Index] [Thread Index] >
ti'e mi'e brtais. va mi le speni remei goi fo'i xabju le nornurma gi'e ponse su'omu gerku bela pit.bol. .i le'e gerku beri cu kakne lenu catra gi'u xagji .i fo'i norjitro lo gerku po fo'i .i lonu ri pu'i jersi lo remna cu kajde ro xabju bele fo'i klaji .ijenai pu sfasa fo'i .i puzi tolkavbu ko'u goi ci gerku po fo'i .i ko'u plipe le darno klaji ca lenu vi ri pa ninmu cu cadzu le bartu gi'e kurji so'o xirma .i lei ci gerku ca'a batci catra lepa ninmu .i le ri nanmu goi fo'u zgana lenu ko'u cilmo le ciblu ca lenu ko'u bajra vi le fo'u canko .icabo fo'u cpedu tavla le pulji .i fo'u bartu bevri le po fo'u clani cecla noi srana lezu'o kalte le cipni .i ko'u sutra plipe le fo'u cnebo gi'e zalvi batci le fo'u xance vau ja'e lenu fanta lenu fo'u sazri le xarci .i le cecla mu'i seljbera lo bersa be fo'u .i lenu ri bandu fo'u cu xrani re le ci gerku .ijenai sisti lenu jersi le nanmu kei vlile pu lenu le pulji ba'o klama ta .i.ie ri jinvi ledu'u fo'i zekri fuzme .i su'a ro gerku bela pit.bol. .e ro simsa be ko'u cu ka'e mutce ckape le remna .i.ie flalu lenu vimcu le go'i kei lemi tcadu